-





Oso pardo, oso pardo, onde está a paz?
Na coviña morna que convida a soñar.

Paxaro vermello, paxaro vermello, onde está a paz?
Nos anacos de ceo nos que boto a voar.

Parrulo amarelo, parrulo amarelo, onde está a paz?
Nos ríos xoldreiros que viaxan ao mar.

Cabalo azul, cabalo azul, onde está a paz?
Nas chairas de herba nas que gosto trotar.

Rá verde, rá verde, onde está a paz?
Nas pozas de orballos que me fan brincar.

Gato morado, gato morado, onde está a paz?
Nas raiolas de sol que me quecen o lombo,

Can branco, can branco, onde está a paz?
No cheiro das brisas novas que ando a uliscar.

Ovella negra, ovella negra, onde está a paz?
Ao abrigo das apertas tecidas de lá.

Peixe laranxa, peixe laranxa, onde está a paz?
Nos cardumes que bailan coas ondas do mar.

Na coviña morna,
nos anacos de ceo,
nas chairas de herba,
nos ríos xoldreiros,
nas pozas de orballo,
nas raiolas de sol,
no cheiro das brisas,
ao abrigo das apertas,
nos cardumes que bailan no mar.

Nos ollos das crianzas que asombran...

                                 PAZ

*Inspirado no conto "Oso Pardo" de Eric Carle e con motivo da celebración do Día da Paz 2019. Educación Infantil CIclo 0-3.
"Devolverlles un pouquiño do que me dan, grazas aos pequechos e pequechas que me permiten asombrar cada día a través da súa mirada"

Comentarios

Publicar un comentario

Publicacións populares deste blog

O mar sempre volve

-
Imaxe
Foto e ilustración da autora Aqueles peixes todos non tiñan mar. Naceran no fondo "grisareoso" dun soño ou pode ser que foran o resultado de moito soñar.  Nadaban entre os restos afundidos doutras historias, alimentándose das memorias, entre ferruxes de sentimentos e outros mundos, abrindo moito os ollos que é por onde os peixiños todos se enteran das cousas, p orque os peixes non oen, t ampouco falan…. Ou iso din . Vestían escamas azuis aqueles peixes: Pintos, maragotas de escamas brillantes que de mil xeitos se debuxaban na súa pel …. Nadaron, acompasando os ritmos coma fan as ondas e mesmo as augas que corren na area de volta ao mar... Ao primeiro eran poucos. Xa logo foron cardume e o grisareoso tornou en AZUL. Aqueles peixes todos fixéranse mar no fondo dun soño... Porque os soños son os mares da vida. Eu ben o sei, pero eles non, por iso sempre volven abrindo moito os ollos e beliscando na pel das memorias.
Ler máis

Zapatos sin pies

-
Imaxe
Ilustración: Beatrix Potter  De  vez en cuando me agacho....como si jugase de nuevo a ser niña. Como si los cinco pares de ojos siguiesen estando allí en la luz atenuada de la casa...Haciendo cuevas en cada estancia. Cobijos de risas y algunas lágrimas. Ambas siempre compartidas en un dominó de emociones infantes y fraternales...En un todo compartido. Hasta la sangre... Pero ya no entro en el hueco bajo la cama, ni en el espacio revuelto del armario, ni tras las cortinas hallo mi lugar secreto, pues ya mi cuerpo se empeña en ser por siempre un obstáculo ante la escasa luz que lucha por entrar a través de la ventana... Cierro los ojos. Intento esconderme en el rincón más oscuro de mis recuerdos, allí donde sólo yo puedo encontrarme...En la madriguera que descubrí persiguiendo a Peter Rabbit. Y respiro. Intentando tragarme el sonido de mi propio aire. Respirar y ahogar. Mis músculos en completo congelamiento. Quiero descubrirme pero jugar a solas no tiene graci...
Ler máis

Marela

-
Imaxe
Ilustración: Gemma Capdevila M arela non é unha cor, nin unha vaquiña do prado, viste con roupas de auga de escuma son seus brocados. Xoga ás agochadas cos pelouros e as algas pardas, aníñase nas furnas, axeonlla nas pozas calmas. Enreda coas chalanas que no portiño remansan, con tres navíos na mar chica, tres que van pola mar alta. Matarile rile rile, matarile rile rón. Marela agocha no fondo as chaves dunha canción... Un coro de ondiñas novas veñen con ela cantando, chascarraschean as cunchas, as buguinas van chamando: Eis a raíña dos mares que bota o seu branco pano! Marela non é unha cor, é o nome da mar nena, isa que brinca nas rochas, esvara polas ribeiras. A que deita as murallas que se erguen nas areas, no seu reino non hai muros nin castelos, nin fronteiras. Marela é a nena do mar, a que medra coas mareas. Marela é a mar nena, libre, extensa, plena... ...
Ler máis